11.2 C
Santa Comba
lunes, junio 10, 2024

Festas na Laracha con Los Satélites, Foliada, Escaparate e París de Noia

Festas patronais da Laracha entre o 14 e o 17 de agosto.

A capital municipal da Laracha celebrará as festas patronais durante catro días, do 14 ao 17 de agosto. O cartel con todos os eventos programados para esas datas foi presentado polo alcalde, José Manuel López Varela, a concelleira de Festas, Patricia Bello, e o presidente e a vogal da Comisión de Festas da Laracha, Josecho Campos e Elena López.

O programa destaca pola cantidade, calidade e variedade das propostas culturais, deportivas e festivas -con orquestras de primeiro nivel- ás que se anima a asistir a todos os públicos.

Do mesmo xeito que en anos precedentes, haberá dous escenarios principais nos que se desenvolverán os eventos, acollendo a Praza do Concello as sesións vermú e a Praza Les Sables d’Olonne, a maior parte das actividades das tardes e tamén todas as verbenas nocturnas.

Los Satélites abren os festexos

O cartel das festas ábrese na tarde do luns día 14 de agosto co concerto infantil da banda de rock galego A Gramola Gominola a partir das 19:00 horas. Pola noite, verbena coa orquestra Los Satélites e a disco móbil Movemento, que será a encargada da fin da festa en cada unha das catro xornadas.

Día grande , 15 de agosto

O día grande será o 15 de agosto. A mediodía haberá pasarrúas a cargo da banda de gaitas Brisas do Quenllo. Ás 13:30, misa solemne na honra da Nosa Señora, á que seguirá a sesión vermú.

Pola tarde, nova edición do trofeo de fútbol “Concello da Laracha” no campo Municipal que, como é tradicional, disputarase en formato triangular e participarán o Laracha CF, a UD Paiosaco e o Club do Mar de Caión, servindo tamén o torneo como preparación na pretemporada dos tres conxuntos.

Ás 20:00 horas a Asociación Cultural Santa María de Torás ofrecerá unha actuación no Praza Les Sables d’Olonne. Pecharase a xornada coa verbena a cargo da orquestra Foliada.

Mércores 16 de agosto

O mércores 16 o pasacalles será coa banda de música Eduardo Pondal. Ás 13:00 horas sairá a procesión desde a igrexa parroquial ata a capela de San Roque e San Antonio, onde se oficiará unha misa solemne. Pola tarde, sesión vermú e espectáculo de circo de rúa (malabares, clown, equilibrios e humor) a partir das 19:00 h con Circando de Artefeito. A verbena nocturna estará amenizada pola orquestra Escaparate.

Rematan as festas coa París de Noia

Na última xornada, a do xoves 17, a Asociación Cultural Santa María de Torás encargarase do pasarrúas. Ás 13:30 a misa solemne será na honra do Santísimo Sacramento. Ademais da sesión vermú, pola tarde celebrarase o tradicional Día do Neno con diversidade de xogos para os máis pequenos. E á noite porase o punto e final ás festas coa verbena a cargo da orquestra París de Noia. No descanso haberá un espectáculo de fogos artificiais.

O alcalde, José Manuel López Varela, agradeceu o traballo da Comisión de Festas e expresou o “orgullo por ter colaborado con eles desde o Concello para poder organizar unha programación de alta calidade e do nivel que merece A Laracha para festexar os días grandes da parroquia de Torás e da capital municipal”.

Josecho Campos agradeceu a colaboración do Concello e o apoio que está a recibir a Comisión de Festas por parte dos establecementos comerciais, locais hostaleiros, empresas e veciñanza da parroquia.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos