Info- Axega 112 – Foto- GES Muros
Pola súa parte, os Bombeiros do Xallas tiveron que actuar en Mazaricos para axudar a saír unha persoa, ocupante dos asentos traseiros dun coche. O vehículo saíuse da vía e quedou semi envorcado sobre un muro.
Precisamente, a situación inestable do coche recomendou a intervención tanto dos bombeiros como dos membros do GES de Muros para sacar a persoa cos menos danos posibles.
Así o solicitaron os profesionais de Urxencias Sanitarias de Galicia-061 tras examinar o estado e posición da ferida.
Nesta intervención participaron, ademais, os voluntarios de Protección Civil e os axentes da Garda Civil de Tráfico. O sinistro produciuse ás 20:40 horas de onte na DP-3404, na estrada desde Pino do Val á Picota, ao paso por Mazaricos.
