A 36ª edición da Festa da Praia do Ézaro celebrarase o 5 e 6 de agosto con diferentes actividades.
O sábado 5 de agosto, desde as 16h. teremos diversión con “Todos a xogar” unha propostas de xogos participativos ofertada por Garabato de Xogos.
E tamén obradoiros infantís de manualidades (pulseiras e chapas), xogos de habilidade para todas as idades e inchables.
A partir das 19h. Actuará o Pallaso Piter.
Pola noite, na contorna da Fervenza do Ézaro o Mago Teto representará o seu espectáculo “Rock & Magic”. AS 23H,iluminarase a Fervenza.
Sardiñada popular, xogos e Orquestra Alkar
O domingo 6 de agosto haberá obradoiros infantís de globoflexia, broches, coiro, cariocas, inchables e xogos de habilidade para todas as idades. De 12 a 13,30h e de 16 a 20h.
A mediodía unha Sardiñada popular coa actuación de Tanto nos Ten. E polo serán o Circuito de Obstáculos Praia do Ézaro, a partir dos 8 anos, xogos tradicionais como o “baile do cañoto” e a actuación da orquestra Alkar.
