//Co voto a favor do BNG e en contra de PP e Espazo Común//
O goberno local do BNG de Mazaricos contará con dúas adicacións exclusivas para o alcalde, Juan Blanco e para o tenente de alcalde, Jorge Villar, con 30.000 euros anuais cada un.
Ademais o resto dos concelleiros (Jorge Sanmartín, Esteban Pereiro, Beatriz Alvite e Sandra Alvite) percibirán 7.500 euros anuais polo 25% da xornada laboral.
Declaracións de Juan Blanco
“Todo o mundo que traballa e que dedica o número de horas que dedicaron durante estes anos os nosos concelleiros, debe ser retribuído, tendo en conta as horas do seu tempo persoal e familiar que destinan a traballar polos veciños e as renuncias que isto ocasiona tamén no ámbito laboral” explicou o mandatario.
Juan Blanco recordou que fronte aos case 45.000 euros que contempla a lei como límite, as dedicacións completas quedan fixadas en 30.000 euros. O conxunto de dedicacións parciais, xa que logo, non aumenta o gasto por riba do que o farían dúas exclusivas de 45.000 euros.
A medida foi aprobada polos concelleiros do BNG, votando en contra os do Partido Popular e o edil de Espazo Común.
Os plenos celebraránse cada dous meses, o terceiro luns, ás 10 da mañá. Os concelleiros que non sexan do grupo de goberno percibirán 120 euros pola asistencia a cada sesión.
Postura do Partido Popular de Mazaricos
Para o Partido Popular de Mazaricos “trátase dunha decisión inédita e lamentable que ademais senta un precedente nefasto para os futuros gobernos do Concello. Nos últimos meses aumentouse en mais de 130 mil euros o gasto en salarios nun concello cun gran problema de despoboación e uns presupostos que non permiten despilfarros en soldos políticos prescindibles”.
