O goberno local de Corcubión, do BNG, terá dous cargos políticos remunerados. O alcalde Francisco Xabier Domínguez percibirá uns 31.000 euros brutos anuais e a concelleira María Bella 15.234 euros, por media xornada. Bella coordinará as área de Cultura, Benestar Social, Muller e Igualdade.
A proposta foi aprobada cos votos a favor do executivo do BNG, e dos dous concelleiros do Partido Popular na oposición. Sempre Corcubión abstívose e o Partido Socialista votou en contra.
Críticas do PSOE
Os socialistas critican esta postura do PP e BNG que votaron en contra dos salarios do anterior goberno:”Agora o PP de Corcubión volve ao rescate do Bloque poñéndose dacordo paara aprobar dúas adicacións” que “supoñen un incremento de case o 50% ao aprobado hai 4 anos para o goberno socialista”.
“Tanto o BNG como o PP de Corcubión deberían pedir desculpas públicas por denegarlle ao PSOE, durante 20 anos o que eles agora argumentan como algo imprescindible para o bo desenvolvemento do goberno municipal”.
FOTO-ARQUIVO INVESTIDURA
