Actos políticos de BNG e PP// Asamblea Xallas F.C.// Punto de Atención da Seguridade Social
Mitin BNG este sábado
O BNG organiza un acto político este sábado 15 de xullo no multiusos desde as 21h. Intervirán os candidados Xesús Gómez Antelo (Senado), Xosé Antonio Andrade (Congreso), Esther Vieito e Juan David Sixto(BNG local), o responsable do Bloque en Suíza Xosé Abelenda e o Vicepresidente da Deputación, Xosé Regueira.
Mitin PP con María Pose, Marta González e Ethel Vázquez
O Partido Popular celebra o seu mitin de campaña en Santa Comba este domingo 16 de xullo. No Multiusos, desde as 21,30. Intervirá a portavoz local e candidata suplente ao Senado, María Pose, a número 2 ao Congreso pola provincia coruñesa, Marta González e a Conselleira de Infraestruturas, Ethel Vázquez Mourelle.
Doro, novo presidente do Xallas
Sergio Prego Cancela “Doro” é o novo presidente do Xallas F.C. despois da asemblea celebrada esta semana . O “Tigre de Bazar”, xogador en activo, colle as rendas do clube cunha directiva na que estará acompañado por dous ex presidentes como Beatriz Velo (Vicepresidenta) e José Manuel Pérez Gorgal(Tesoureiro).
A secretaria é Carla Fernández Castro. Conforman o equipo os seguintes vogais, Luis Rodríguez, Xavier Mourelle, Bruno Prego, Manuel Couto, Patricia Senra, Natalia Pereira, Yolanda Pereira e José Manuel García.
Punto de Información Seguridade Social
O Punto de información da Seguridade Social do concello de Santa Comba estará operativo durante todo este verán.
Está localizado na segunda planta da Casa do Concello e presta o seu servizo todos os luns de 8,30 a 14,30h.