O Partido Popular de Muxía rexistrou unha moción para por en valor a figura do escritor muxián Gonzalo López Abente con motivo do 60 aniversario do seu pasamento.
Os populares propoñen que o departamento de cultura realice unha programación cultural específica, no que resta de ano, en torno a figura do ilustre poeta.
Fundación López Abente
Achegan tamén unha alternativa a actual Fundación López Abente:“Parece ser que a figura da fundación xera problemas burocráticos pero a resposta non pode ser non facer nada, por eso propomos que se cree unha asociación que sustitúa a fundación que sea incentivada e promovida dende o Concello” explica a portavoz Sandra Vilela.
Os populares tamén piden que o CEIP “Os Muíños” pase a chamarse CEIP “Gonzalo López Abente”.
Lembran que o vindeiro 23 de xullo cúmprense 60 anos do pasamento do autor de poemarios como “Decrúa” ou “Alento da raza”.
