14.7 C
Santa Comba
lunes, julio 22, 2024

O BNG leva ó Parlamento Galego a falta de caudal ecolóxico no treito final do Río Xallas

O Bloque Nacionalista Galego traslada ao Parlamento a súa preocupación pola falta de caudal ecolóxico no treito final do río Xallas e na Fervenza do Ézaro, que se rexistrou os pasados 14 de xuño e 3 de xullo.

Segundo lembran desde o BNG, hai informacións que sinalan que isto debeuse a “intereses especulativos” da concesionaria do encoro de Santa Uxía “que supostamente retivo a auga para sacar maiores réditos coas oscilacións do prezo da electricidade”

Mediante unha proposición non de lei, presentada polos deputados Daniel Pérez e Luis Bará, piden a apertura dun procedemento administrativo , e se procede, un expediente sancionador “ logo da situación anómala de falta de caudal ecolóxico no treito final do río Xallas e na fervenza do Ézaro”.

Piden ademais información transparente ao respecto, por parte da Xunta de Galicia “sobre as causas desta situación irregular e as medidas adoptadas polo goberno galego”.

Os nacionalistas tamén presentaron varias preguntas na Mesa do Parlamento para saber sobre as accións adoptadas polo goberno galego.

FOTO- DAVID TRILLO GALLEGO

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos