O Tribunal Supremo dictou a “inadmisión” a trámite dun recurso presentado polo concello de Santa Comba contra a sentenza dictada polo Tribunal Superior de Xustiza de Galicia (TSXG) que estimaba un recurso fronte a resolución do concello xalleiro que no seu día concedeu a licencia a Comunidade de Usuarios de Augas de Grixoa para a legalización da traída veciñal.
O Tribunal Supremo inadmite o recurso presentado fai uns meses polo goberno local saínte “por falta de fundamentación suficiente” e “por carencia nos termos nos que foi preparado o recurso, de interese casacional obxectivo para a formación de xurisprudencia”.
Ademais o TS impón o pago das costas procesais ao concello de Santa Comba que deberá afrontar o pago das mesmas estipulada nun máximo de 1.000 euros.
