17 C
Santa Comba
lunes, julio 15, 2024

Camariñas celebrou o seu pleno de organización

O concello de Camariñas celebrou un pleno de organización, onde se aprobaron as adicacións do equipo de goberno que suman 96.250 euros anuais para tres adicacións exclusivas e unha parcial.


A alcaldesa Sandra Insua percibirá un total de 35.683 euros, os concelleiros Sergio Caamaño e Encarna Liñeiro, 22.449 euros cada un e a edila Begoña Tajes, uns 15.714 euros.


A alcaldesa xustificou o traballo dos membros do goberno e sinalou que coa maioría absoluta poderían subir os salarios “ata o máximo”, chegando en total ós 160.000 euros.

Críticas da oposición


A portavoz do PP, Paula Mouzo, manifestou que o seu grupo “non pode apoiar” uns soldos cando “non se traducen en resultados, nin xestionan, nin coidan o que temos e por riba estamos empeñados”.


Entende que “non podemos subir taxas, obrigar ós veciños a apretarse o cinturón” e o equipo de goberno “cobrar estes soldos tan xenerosos”.


Tampouco apoia a medida o BNG. Xurxo Rodríguez considera que estamos diante “dunha subida realmente excesiva” e pediu unha reducción.


Para os nacionalistas “o concello carece de rumbo, non establece ningún control de gasto e fará recaer o pago da forte débeda nas veciñas e veciños de Camariñas e na diminución de outras partidas orzamentarias”.

Competencias do pleno que asume a Xunta de Goberno

Á oposición tampouco lle convenceu a delegación de competencias do pleno en materia de contratación na Xunta de Goberno Local. Desde o goberno local explicaban que os concelleiros estarían informados pero desde o PP estiman que “Todo o que sexa reducir funcións ao pleno, pensamos que non é favorable”.

Os plenos ordinarios celebraranse con carácter bimensual, o último venres. Ás 20h. Os concelleiros percibirán 120 euros por asistencia a plenos e comisións e 80 euros por asistencia a Xunta de Goberno local. Este último está formado pola alcaldesa e os concelleiros Sergio Caamaño, Encarna Liñeiro, Fabián Canosa e Begoña Tajes.

O primeiro tenente de alcalde é Sergio Caamaño e a segunda tenente é Encarna Liñeiro.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos