Arte e Movemento trunfou no Campionato Galego de Bailes Caribeños. O balance é excelente con 28 ouros, 7 pratas e 7 bronces no evento celebrado este domingo en Marín.
Con estes resultados e segundo informan desde o club ceense 22 deportistas de Arte e Movemento viaxarán ata Alicante os días 24 e 25 de xuño para disputar o campionato nacional desta especialidade, o que poderá abrirlle as portas para continuar na competición internacional.
Son ademais os primeiros títulos oficialmente recoñecidos debido á recente creación da Federación Galega de Baile Deportivo, presidida por Graciela Toba, quen tamén encabeza o Clube Arte e Movemento.
