O BNG de Camariñas anuncia que preguntará no pleno pola depuradora que se está construíndo en Xaviña “xa que o lugar escollido para a súa localización non parece o máis acaído ao estar inmediata a un ben de relevancia patrimonial como é a Igrexa románica do século XII”.
Os nacionalistas manifestan que “esta situación está a causar malestar entre a veciñanza ao ser este un lugar moi apreciado por toda a xente da parroquia e do concello”.
Consideran que é o resultado da “falta de planificación das infraestruturas do concello”.
Verteduras
O BNG tamén denuncia os “os vertidos continuos de augas fecais directamente a ría” a través da rede de saneamento na entrada da vila de Camariñas.
Preguntarán non pleno “que medidas se van a tomar para atallar e arranxar estes verquidos continuos altamente contaminantes”.
