Un grupo de alumnos do IES Terra de Xallas de Santa Comba resultou premiado no concurso “Informatízate” organizado pola ETSE da Universidade de Santiago de Compostela.
Os alumnos de 1º de Bacharelato do IES Terra de Xallas: Lucas Muñoz, Roi Mecías, Fabio Mancebo e David Díaz foron premiados no III Concurso de vídeos “Informatízate” organizado pola Escola Técnica Superior de Enxeñería da Universidade de Santiago de Compostela.
Estes estudantes participaron cun vídeo titulado “Ada Lovelace: unha odisea tecnolóxica.
Acompañados pola súa profesora recolleron o seu premio en Santiago de mans da directora da Escola Superior de Enxeñería da USC.
