19.1 C
Santa Comba
domingo, julio 14, 2024

Poñamos que falo de Pequeño Castro


Soubo chegar e tamén marchar da política local dumbriesa. Sen estratexia electoral, sen especulacións e con toda humildade. Chamou ao seu despacho a Raúl González Lado e díxolle que lle cedía o testigo. Podería ter calculado unha transición ou gañar outras eleccións antes de deixar o posto. Pero quería ser sinceiro.

Estas cousas dignifican á política e fan máis grande a biografía dun neno da Ameixenda que gozaba das voltas ciclistas e conseguiu baixar as estrelas do deporte ata O Ézaro. Un home que ten vivo ese neno no interior.

Un cabaleiro que pelexou contra minifundismo instalado en moitas mentes dunha clase política pendente dos egos e dos marcos da súas leiras. Convencido que a nosa condición territorial non ten porque ser unha eiva. Que hai que facer concello, para facer comarca e para facer país. Orgullosos do que temos pero deixándose empapar pola sabedoría que impregnan as viaxes e poder inspirarse do que fan noutros sitios.

Ese é José Manuel Pequeño Castro. Curioso. Observador. Que deixa unha lección máis pechando, dun xeito nobre, un ciclo en Dumbría. Pero os vellos rockeiros nunca morren e os animais políticos nunca abandonan a súa esencia.

E Pequeño, mentres recolle libros e papeis do seu despacho de alcalde, xa ten a mirada posta noutro camiño. Ten no seu ADN a enerxía dos homes que camiñaban entre a néboa polos montes de Dumbría. Sen medo ao Vákner nin os contos de lareira que falan de seres estranos.

É unha figura que vai máis alá dunha siglas. Non sei o que fará. Cal será o próximo episodio no libro da súa vida. Pero estou seguro que calquera paso guiarase baixo a luz da sinceridade, da honradez e do interese comarcal.

GRAZAS PEQUEÑO

Algunhas claves nesta entrevista

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos