O Consello da Xunta aprobou a licitación das obras de reforma e ampliación da área de Urxencias do Hospital Virxe da Xunqueira de Cee.
As melloras contan cun orzamento de 1,2 millóns de euros.
As actuacións
Segundo explican desde o Sergas está prevista a modificación do control de Enfermería, que se emprazará no espazo central e dará lugar a dúas zonas principais: unha zona cun circuíto específico permanente e independente para a atención e illamento diferenciado das persoas con patoloxías respiratorias, e outra, destinada á atención dos pacientes con patoloxías non-respiratorias.
Así mesmo, unha vez finalizadas as obras, a área de Urxencias do Hospital Virxe da Xunqueira contará con 5 novos boxes -todos eles preparados para o illamento de pacientes de ser preciso-, e que se engaden aos 8 xa existentes (7 de observación e o único ata o de agora existente para pacientes illados), completando un total de 13 dependencias.
Máis polo miúdo, a súa distribución implicará que a zona de respiratorios -situada na antiga área de diálise-, sexa demolida para acoller 6 novos boxes para pacientes illados e; no que atinxe á zona de non respiratorios, a consulta e un dos boxes serán unificada para dar lugar a unha estancia dotada con 3 camas, ademais de manter os 6 boxes existentes.
Ademais, na actual zona de espera reformaranse os aseos públicos e; na zona intermedia e corredor de urxencias emprazaranse o novo despacho e a sala de informes, ademais das zonas de descanso para o persoal sanitario.
Agradecemento de Picallo
O conselleiro de Sanidade, Julio García Comesaña, onde o candidato á alcaldía do PP trasladoulle a súa ledicia por este anuncio:
“Esta é unha noticia moi importante para Cee e para a súa comarca e hoxe puiden trasladarlle un agradecemento especial de parte de todo o meu equipo ao conselleiro non só polo seu compromiso, senón polo de todo o Partido Popular para co noso municipio, a súa veciñanza e tamén a comarca na que nos situamos” manifestou Jesús Picallo.
