O conselleiro de Cultura, Educación, Formación Profesional e Universidades, Román Rodríguez, visitou este venres a localidade de Cee, onde mantivo reunións con representantes da parroquia, responsables da Fundación Fernando Blanco e tamén das asociacións Paseniño, de Cee e Ruiseñor, de Corcubión.
Segundo informan desde o PP, Rodríguez estivo acompañado polo candidato á alcaldía, Jesús Picallo, entre outros.
Xubileo Mariano
O conselleiro de Cultura escoitou ao párroco, Desire Kouakou, “agradecer o traballo da Xunta de Galicia ao longo do Xubileo Mariano”.
Posteriormente, visitou o Museo Fernando Blanco, en compañía do secretario da Fundación Fernando Blanco, Darío Areas, e da directora do IES Fernando Blanco, Chelo Trillo, entre outros.
Así mesmo, Román Rodríguez mantivo un encontro cos directivos dos colectivos Paseniño e Ruiseñor, que lles plantexaron as necesidades dos nenos con necesidades específicas de Cee e da comarca.
