O secretario provincial do PSdeG-PSOE e portavoz socialista na Deputación visitou, xunto cos candidatos a alcaldía de Coristanco, José Manuel Pérez Abelenda, e Santa Comba, Alberto Romar, a estrada DP 2904 que serve de conexión entre estes dous municipios.
Tanto os socialistas de Coristanco como os de Santa Comba demandan a mellora do trazado do vial, que conta con algún puntos especialmente perigosos onde se teñen producido accidentes.
Bernardo Fernández comprometeu que a Deputación da Coruña, titular da vía, encargará unestudo de mellora do trazado de cara a eliminar esas zonas perigosas e mellorar a seguridade nunha estrada que rexistra un elevado volume de tráfico ao conectar estas dúas localidades.
