A Conselleira de Infraestruturas e Infraestruturas, Ethel Vázquez, visitou o concello de Cee acompañada polo aspirante á alcaldía, Jesús Picallo, e polos concelleiros populares, Antonio Domínguez; Agueda María Díaz Mejuto e María Victoria Areas Pose.
Segundo informan os populares este encontro “reafirmou a total sintonía e receptividade existente entre o candidato popular e a Xunta de Galicia”, e onde a conselleira comprometeuse ahumanizar os accesos ás vila e construír a variante ao porto de Brens.
Humanización das tres entradas ao pobo de Cee
Jesús Picallo transmitiu a necesidade “de humanización das tres entradas ao noso pobo, proposta que foi acollida con total apoio por parte de Vázquez, a que tamén se lle trasladou a importancia vital dunha conexión da rotonda co porto de Brens de cara a garantir unha axeitada combinación de seguridade vial e desenrolo económico”.
Tamén plantexaron a necesidade de acometer reformas no casco urbano.
Apoio da conselleira ás demandas do PP
Vázquez declarou que o encontro co equipo do Partido Popular de Cee lle permitiu comprobar que «hai equipo, hai ideas, hai proxecto e Cee necesita un cambio», un cambio que, sinalou, tería comezo coa «transformación da entrada ao pobo para que sexa máis segura e humana».