Tivo lugar en Carballo a presentación de Evencio Ferrero Rodríguez, cunha mensaxe de Ana Pontón louvando o traballo feito polo alcalde:
“Teño que confesarvos que estou emocionada e moi orgullosa de poder dicir ben alto e ben claro que Evencio é o mellor alcalde da historia de Carballo e por iso vai seguir sendo o mellor para Carballo tras o próximo 28 de maio, porque seguirá contando co apoio, co respecto e co inmenso cariño que lle teñen os veciños e as veciñas dese concello”
E tamén coa portavoz nacional do BNG criticando a falta de apoio da Xunta de Galicia e prometendo apoio decidido se chega á presidencia do goberno galego.
“Teredes unha aliada para que Carballo reciba todo o apoio que merece”.
E engadiu: “Se cun Goberno do PP á contra na Xunta o BNG logrou facer de Carballo un referente, imaxinade o que poderá facer Evencio e todo o seu equipo cando teñan un goberno da Xunta a favor, un goberno liderado polo BNG e que, por primeira vez na historia, conte unha presidenta coas mans libres, coa cabeza e o corazón en Galiza”.
O acto foi presentado por Xurxo Souto. Falou a concelleira Maruxa Suárez, Evencio Ferrero e Ana Pontón.