Información- AXEGA 112 – Foto- Bombeiros Costa da Morte
Un motorista resultou ferido de consideración ao colidir contra un coche, no punto quilométrico 17 da AC-432, á altura do lugar de Area da Vila.
O 112 Galicia tivo coñecemento do accidente a través dunha persoa particular, pasados uns minutos das 19:00 horas da pasada tarde.
Nada máis recibir o aviso, o persoal do 112 Galicia puxo a situación en coñecemento de Urxencias Sanitarias de Galicia-061, dos Bombeiros de Cee, da Garda Civil de Tráfico e da Agrupación de Voluntarios de Protección Civil de Camariñas.
Segundo a información facilitada ao 112 Galicia polos servizos de emerxencia mobilizados, o motorista foi trasladado ao Hospital Virxe da Xunqueira.