20.7 C
Santa Comba
domingo, septiembre 24, 2023

Atractivo Entroido en Muxía cunha gala presentada por Tania Fuegho e diferentes actividades

O Concello de Muxía presentou hoxe, xoves 2 de febreiro, a programación completa para o Entroido 2023, que inclúe opcións e actividades para todos os gustos e idades, desde concursos de disfraces, música ou obradoiros de entroido para a conciliación ata o tradicional Enterro da Percebe.

A programación comezará o sábado 18 de febreiro, desde ás 17:00h no Paseo Marítimo, coa Gala Concurso de Entroido que presentará a artista Tania Fuegho e que estará amenizada pola discoteca móbil CDC.

A programación da gala será a seguinte:

17:00h Concurso de disfraces infantil (rapazada ata 12 anos)
18:30h Concurso de disfraces adultos
19:30h Concurso de grupos
20:00h Concurso de comparsas
21:15h Sorteo cesta entroido

As persoas participantes do concurso de disfraces infantil e adulto deberán inscribirse previamente, o mesmo día da gala, na mesa do xurado. Así mesmo, as persoas participantes no concurso de grupos e comparsas deberán inscribirse previamente no Concello ou a través da sede electrónica ata o 16 de febreiro.

Sorteo de cesta e degustación de doces de entroido

Durante a gala, toda persoa que veña disfrazada poderá recoller unha rifa para o sorteo da cesta de entroido na mesa do xurado e tamén haberá unha degustación de doces de entroido.

Os premios de categoría infantil serán:

1º Premio: 100€
2º Premio: 50€
3º Premio: 25€

Os premios de categoría adulta serán:

1º Premio: 150€
2º Premio: 100€
3º Premio: 50€

Para a categoría grupal haberá un único premio de 200€ e esixirase a participación de mínimo 4 persoas (adultos ou infantil ou mixto) sen obriga de actuación musical nin coplas.

Para as comparsas deberá ser de obrigado cumprimento unha participación mínima de 5 persoas con actuación escénica, musical ou baile.

Os premios para as comparsas serán:
1º Premio: 900€
2º Premio: 400€
3º Premio: 200€

Obradoiros concilia de Entroido
Para as xornadas do luns 20, martes 21 e mércores 22 de febreiro, están previstos os obradoiros de entroido para favorecer a conciliación familiar nestas datas festivas.

A actividade terá lugar en horario de 11:00 a 13:00 h e será preciso realizar unha inscrición previa no Concello do 6 ao 15 de febreiro. As prazas para esta actividade son limitadas.

Enterro do Percebe
O Entroido finalizará co tradicional Enterro da Percebe, previsto para o mércores 22 de febreiro. Comezará ás 17:00 horas cos “Contos de rúa” con Caxoto que realizarase no Edificio Servizos Múltiples.

A continuación, ás 18:00 horas haberá unha Procesión co percebe polas rúas de Muxía ata o paseo marítimo. E por último, as persoas asistentes poderán gozar dunha queima e gran chocolatada.

Tras a presentación do Entroido de Muxía 2023, a concelleira de Cultura, Olalla Benlloch, quixo “animar a toda a veciñanza a disfrazarse e a gozar deste entroido tomando parte das actividades organizadas”.

Fonte- Concello de Muxía

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,831SeguidoresSeguir
1,170SuscriptoresSuscribirte

Últimos artigos