Alternativa dos Veciños, a formación liderada polo alcalde de Oleiros, Ángel García Seoane, concorrerá as eleccións no concello de Fisterra.
Desde o partido confirman que un grupo de veciños xa está traballando no proxecto e van a presentarse “atendendo á complexa situación na que se atopa o municipio de Fisterra, como consecuencia de xestións nefastas ou de nulas xestións, que orixinaron décadas perdidas en canto a crecemento, desenvolvemento e avances do municipio”.
Nun comunicado engaden que “con toda a humildade, pensamos que o Concello de Fisterra necesita urxentemente un cambio de rumbo, para poder reverter as malas políticas que se veñen facendo e que tanto dano causaron ao municipio e ao conxunto da veciñanza”.
En vindeiros días darán a coñecer o nome do seu candidato á alcaldía e en vindeiras semanas ás persoas que formarán parte da candidatura electoral.
Alternativa dos Veciños goberna o concello de Oleiros desde 1979 e desde 2019 no concello de Carral, e formando parte dos gobernos de Bergondo e Sada e con presenza en Cambre, Culleredo e Arteixo. Ademaís teñen un deputado provincial.
