O actual portavoz do BNG en Cee, Serxio Domínguez Louro, volve a ser o candidato do BNG á alcaldía do concello de Cee.
O candidato manifestou que “En Cee é necesario e urxente un cambio de modelo, e o BNG ten demostrado, alí onde goberna, que é capaz de levar a cabo os cambios precisos para mellorar as vilas e as aldeas. Queremos abrir un tempo novo en Cee, tempo de alegría e de ilusión, de esperanza e sen crispacións nen malas caras, é tempo doutra maneira de facer política … ”.
“Demostramos que estamos preparados para gobernar”
Completou as súa declaracións deste xeito:“Quero mostrar o meu agradecemento aos compañeiros e compañeiras que unanimemente respaldaron a miña candidatura para seguir liderando o proxecto que o Bloque Nacionalista Galego ten para Cee, e decirlles tamén que me sinto orgulloso desta organización e do equipo que me rodea. Levamos moitos anos traballando e pelexando para facer do noso pobo un lugar mellor, demostramos que o BNG está preparado para gobernar, e así o din as propostas construtivas que benefician aos nosos veciños e veciñas ou as horas de conversas coa veciñanza dun e doutro lugar do concello”.
