Gran ambiente no Pazo Virxe da Barca na presentación de Iago Toba como candidato á alcaldía de Muxía. Veciños, alcaldes e cargos da zona non quixeron perder esta cita, como tampouco faltou o o secretario Xeral do PSdG-PSOE e presidente da Deputación da Coruña, Valentín González Formoso, como do secretario Provincial do PSdeG-PSOE da Coruña, Bernardo Fernández Piñeiro.
Incluso chegaron mensaxes de apoio por vídeo, como por exemplo da alcaldesa da Coruña, Inés Rey; a alcaldesa de Lugo, Lara Méndez, a presidenta da Deputación de Pontevedra, Carmela Silva e varios alcaldes e alcaldesas da Costa da Morte.
Discurso de Iago Toba
Non estivo exenta de emotividade a intervención de Toba que quixo“dar grazas aos familiares, compañeiros e sobre todo aos veciños e veciñas por estar nos momentos mais duros desta lexislatura. Teño ilusión, teño ganas e teño forza para seguir traballando por Muxía e para dicirvos que non teñades ningunha dúbida que co voso apoio seremos imparables”.
“Priorizando sempre Muxía”
Non obviou a complexa lexislatura que viviu: “Xa demostramos nos momentos máis difíciles destes catros anos que sabemos estar ao lado da xente e que a pesar dos transfuguismos e dunha oposición destrutiva, sempre actuamos e pensamos en positivo, buscando o ben común e priorizando sempre unha cousa, Muxía”.
