Anxo Ares é o secretario xeral do Partido Galego de Santa Comba. No acto de presentación que se celebrou este sábado fixou dúas cuestións prioritarias para o seu grupo: a transparencia e a participación cidadá.
Para Ares actualmente hai unha “falsa” transparencia no concello “redúcíndose á publicación dos plenos e á exposición pública de certas xestións políticas que son de obrigado cumprimento”.
O Partido Galego quere que se fagan públicas “as comisións informativas, as comisións de goberno e tamén as mesas de contratación”, e que se facilite a participación veciñal para que o concello sexa “un espazo aberto e transparente.
“Santa Comba está ubicada estratéxicamente pero está illada gracias ó abandono dos políticos dos últimos 20 anos que nada fixeron por este concello e nin siquera coidaron o que tíñamos” afirmou Ares.
Montse Almozara, César Pazos e Beatriz Estévez
No acto tamén falou outra xalleira, Montse Almozara, Secretaria de Finanzas e membro da Executiva Nacional do PG, que dixo alusión ós tres piares do partido: O galeguismo, o ecoloxismo e o rural.
Pola súa banda, César Pazos, membro do Consello Nacional e Secretario Local de Vigo, incidiu na labor que fai o PG como continuador do galeguismo que no seu momento albergou o Partido Galeguista de Alexandre Bóveda e Castelao.
Tamén falou Beatriz Estévez, da Executiva Nacional e Secretaria de servizos públicos, que fixo fincapé na importancia dos servizos públicos que “no Partido Galego identificamos como os 5 piares do benestar social. Sanidade, educación, servizos sociais, pensións e renda básica universal”.
