Luz verde no Consello da Xunta do pasado xoves a 9 concentracións entre elas a da parroquia de Freixeiro, no concello de Santa Comba.
O presidente da Xunta de Galicia, Alfonso Rueda, puxo en valor a aprobación o pasado xoves no Consello da Xunta de novas concentracións parcelarias en Galicia.
Trátase dun total de nove, localizadas en sete concellos galegos e que reorganizarán máis de 8.900 hectáreas de terreo e beneficiarán a 5.600 propietarios. Unha das zonas é a da parroquia de Freixeiro en Santa Comba.
No caso de Freixeiro a concentración parcelaria afectará a unha superficie de 1.677 hectáreas, a unhas 10.250 parcelas e a 706 propietarios.
Alfonso Rueda enxalzou a figura da concentración parcelaria por ser “instrumento fundamental” para o desenvolvemento do agro galego xa que, segundo esgrimiu,permite reducir custos ás explotacións; axuda a fixar pobación; ademais de que a considerou como “moi importante” na prevención de lumes nos montes da comunidade.
