Desde a asociación de veciños de Grixoa de Esternande – Minas de Varilongo queren “denunciar o estado actual do merendeiro, feito de xeito altruista polos veciños da parroquia coa colaboración do concello na época de David Barbeira”.
Quéixanse da existencia de “ponlas e restos de árbores tiradas no merendeiro” e a presenza de “bloques de formigón que non sabemos de quen son, que obstaculizan e representan un auténtico perigo para os coches”.
Piden a limpeza da contorna deste merendeiro chamado “O lavadoiro da casa da fonte” ubicado no lugar da Cotoleira.
Aseguran que esta situación xa se prolonga desde hai semanas e que incluso houbo veciños que se dirixiron ao concello pedindo unha solución.