Segundo informou AXEGA 112 , en Cee, un home resultou ferido ao caer o coche que conducía por un desnivel duns cinco metros.
O accidente produciuse na estrada que vai de Cee a Muros, na ponte de Brens.
Unha persoa particular contactou co 112 Galicia para dar conta do accidente ao fío das 23:30 horas.
A partir de aí, os xestores do 112 Galicia requiriron a intervención de Urxencias Sanitarias de Galicia-061, dos Bombeiros de Cee, da Garda Civil de Tráfico e da Agrupación de Voluntarios de Protección Civil da localidade.
Segundo a información facilitada ao 112 Galicia polos membros de Protección Civil, o turismo rematou nunha leira e foi necesario que os Bombeiros auxiliasen ao ferido para saír do vehículo e evacualo ata a ambulancia nunha padiola. Posteriormente, o home accidentado foi trasladado polos servizos sanitarios ao Hospital Virxe da Xunqueira.
foto- BOMBEIROS COSTA DA MORTE
