A Confederación Intersindical Galega (C.I.G.) denuncia que o Convenio Colectivo de Xeal “non contou coa participación do comité nin, por primeira vez na historia da empresa, foi sometido á votación da asemblea de traballadores e traballadoras”.
Pensan que este convenio suporá “ unha involución nos dereitos laborais, salariais e sociais do conxunto do persoal” e “no aspecto económico non se garante o poder adquisitivo dos salarios”.
Un convenio feito a medida da empresa
Para a CIG “este convenio é un traxe feito á medida de XEAL, pensado incluso para que non volva facer contratacións”.
Critican a modificación do sistema de rotación de postos e a desaparición das ontratacións para substituír as vacacións do persoal “e a partir de agora os traballadores e traballadoras da mesma quenda cubriranse mutuamente”.
Tamén a contratación temporal de alumnado de F.P., a perda do ,médico da empresas, o lote de Nadal “e establécese unha xornada de mantemento de día que resulta completamente discriminatoria”.
Representación sindical
Lamentan que “ haxa quen se preste a avalar este convenio de recortes e darlle pulo ás manobras da dirección”. Hai que lembrar que o convenio colectivo contou co respaldo das centras CGT, UGT e USO.
Sobre este asunto explican desde a CIG:
“Hai que lembrar que das últimas eleccións sindicais (ano 2019) saíu un comité formado por 6 persoas da CIG, 4 da CGT e 3 de UGT. Estes últimos dimitiron da UGT precisamente por discrepancias co proceder do seu sindicato, mentres que un representante da CGT se pasou á USO.Aínda que este sindicato non sacou representación nas eleccións, a dirección de XEAL tomouno en conta para as negociacións mentres que non tivo en conta os tres delegados dimitidos da UGT, que si teñen condición de delegados do persoal. É dicir, a empresa puxo en marcha un proceso negociador no que non participou a maioría da representación lexítima dos traballadores e das traballadoras e no que deu entrada a quen carece de representatividade, mais sabía que lle ía asinar un acordo á súa medida”.
