Terra Galega votou en contra dos orzamentos do concello de Carballo, xa que segundo afirmou o voceiro Andrés Eirís son “continuistas e sen ambición” e neles “vese claramente a un goberno esgotado e con desidia, con falta de ideas e de gañas de traballar por Carballo, amigo do superfluo e enemigo do necesario, é o mesmo que destes últimos anos”.
Tamén critican que as contas son “pouco realistas” cun remanente de 12.904.582 euros.
“Isto o que demostra é unha pésima xestión, pois o mínimo que se lle pide a un grupo de goberno e que os gastos e ingresos estén o máis igualados posible, o remanente e síntoma de mala xestión. Isto non é unha foto, o ano pasado foi moi parecido e neste 2022 ata o 30 de setembro hai 19.269.806,93 € de remanente” declarou Eirís.
286% máis de gasto en propaganda
Para Terra Galega “seguimos sendo un Concello de Anuncios e non de Feitos, no orzamento do 2021 a previsión de gasto en publicidade e propaganda era de 39.000,00 € e o realmente executado foron 112.941,65 €, un 289,6 % máis do que figuraba no orzamento, estamos falando de case o triple”.
Na súa intervención, Andrés Eirís tamén lamentou que “pese o incremento do orzamento do 2023 nun 8,53 % baixan os gastos en servizos sociais, deporte, educación e medio ambiente”.
Inversións non reais
Recriminan que o apartado de inversións non é real :”Reiteramos que non hai inversión plurianual e consígnase crédito para inversión que foron aprobadas no 2021 e financiadas con remanente de tesourería para gastos xerais que non están totalmente rematadas e certificadas e cuxo remanente de crédito xa non é posible incorporar no 2023, por terse incorporado unha 1ª vez”.
E desde Tega botan en falta “inversións prioritarias coma, a ampliación da Vila de Negreira para solucionar entre outras cousas o caos circulatorio do Choris, moito criticar ao PP pola circunvalación e o BNG segue sen facer os seus deberes”.
