11.7 C
Santa Comba
viernes, febrero 3, 2023

Ucha presentarase por Espazo Común

Foto-Archivo

O edil non adscrito e exalcalde de Santa Comba, José Antonio Ucha Velo, presentarase por Espazo Común, a formación que preside o ex-líder dos socialistas galegos, Pachi Vázquez.


Así o confimou o propio Ucha, que acudiu aos estudos de Radio Xallas acompañado por Pachi Vázquez e Cristina Fajín.


“Estou onde debo de estar, onde levo 20 anos. Expulsáronme do PSOE por facer aquilo no que cría. Eu cumprín a miña palabra” declarou Ucha que tamén tivo referencias aos seus ex-compañeiros:“Non vale presentar un candidato do PP para gañar unhas eleccións desde o PSOE”. Ou “Non necesito facer fotos diante dun bache para facer mocións e chegar un pleno”.


Tamén se referiu á elección de candidatos:“Non se fixo elección. Sacan un paracidista e poñen un candidato”.

Escoita a entrevista en Radio Xallas desde o min 150

Eu veño a cambiar as institucións”

Sobre a súa candidatura anunciou que farían “un cásting” polas parroquias para confeccionar a lista:“Nós presentámonos para gañar as eleccións e ser alternativa de verdade. Eu veño para cambiar as institucións”.

Confirmou a Fajín como “número 2” e engadiu “Quero que o pobo teña a oportunidade de elixir os mellores”.

Pachi Vázquez: “Vivimos a política e non da política”

Pola súa banda, Pachi Vázquez, tamén se mostrou moi crítico co PSOE: ”Os cimentos do que foi o PSOE están tambaleándose”. Reivindicou a Espazo Común como un movemento cidadán, socialdemócrata, galeguista e formado por xente “que vivimos a política e non da política”.


Espazo Común aspira a concorrer as vindeiras eleccións en 35 ou 40 concellos e aplaudiu a incorporación de Ucha ao que definiu como “un gran coñecedor da política local, un home de ideas e convencido”.


Inicialmente estaba prevista a presenza do concelleiro Francisco Javier González Trillo, que posiblemente liderará Espazo Común no concello de Mazaricos.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
968SuscriptoresSuscribirte

Últimos artigos