7.6 C
Santa Comba
domingo, enero 29, 2023

O concello de Vimianzo impulsa a rede de saneamento en Quintáns – Treos

O Concello de Vimianzo executará a rede pública de saneamento no núcleo de Quintáns de Treos para dar servizo a practicamente todas as vivendas que compoñen o núcleo.
Contará cun orzamento de 194.035,31 euros con cargo ao Plan Único da Deputación da Coruña e suporá unha solución integral a unha demanda veciñal que non contaba con este servizo na actualidade.


Porén, e debido á topografía do lugar, prevese a instalación dunha estación de depuración, posto que é posible canalizar as augas cara un solo punto de tratamento e vertido, o final do percorrido. A rede proxectada trátase dun sistema unitario exclusivamente a augas negras residuais (augas fecais) e evacuará por gravidade cara a estación depuradora incluída no proxecto, é dicir, sen necesidade de bombeos. Esta cubrirá as necesidades nunha segunda fase en Treos, para a que xa hai proxecto.


O colector discorre por camiños municipais evacuando por gravidade na estación depuradora que se proxecta, preto do rego de Treos. O sistema de depuración do que estamos a falar para este punto está formado por unha arqueta e un compacto foxa-filtro biolóxico, prevista para 200 usuarios cunha capacidade total de 48.800 litros e dimensións de 2,9 metros de diámetro e 7,6 metros de lonxitude, para a depuración de augas residuais domésticas previa á súa evacuación.


Para a ubicación da depuradora prevista no proxecto respectarase en todo caso a franxade servidume de 5 metros de ancho, medidos a partir do bordo de máxima crecida ordinaria do cauce do rego.


As actuacións que se contemplan no proxecto pretenden resolver o problema de carácter medioambiental derivado da inexistencia da rede pública de saneamento no núcleo rural. O obxectivo da infraestrutura municipal de saneamento é a evacuación, transporte, recollida, concentración e depuración dos vertidos de augas residuais que se xeran no núcleo de poboación referido á eliminación de pozos e foxas sépticas que actualmente recollen ditas augas nas parcelas privadas.


Trátase dunha actuación dirixida á protección do medio ambiente e prevención da contaminación, xa que se elimina o impacto de augas residuais no núcleo sobre o solo, subsolo e augas superficiais ou subterráneas.


O edil de Obras, Miguel Ángel Pérez, constata a “relevancia desta intervención, que supón un avance de gran calado á hora de que a veciñanza de Treos conte cun servizo de primeira necesidade”.


Desde o Concello queren agradecer “á veciñanza que fixo posible que esta intervención sexa unha realidade, coa contribución das respectivas cesións de terreos, sin as que non podería ver a luz”.

nota Concello de Vimianzo

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,798SeguidoresSeguir
525SuscriptoresSuscribirte

Últimos artigos