-0 C
Santa Comba
viernes, febrero 3, 2023

O PP pide “remar na mesma dirección” con Rubén Lorenzo como candidato

Chamamento a unión para tentar lograr que o goberno local de Carballo, en mans do BNG desde 2003, volva a ser do PP. Foi unha das mensaxes que se poden extraer da presentación de Rubén Lorenzo como alcaldable.

Rubén Lorenzo, alternativa a un alcalde esgotado

Para a secretaria xeral dos populares galegos, Paula Prado, “fronte a un alcalde esgotado, resignado e sen ambición”, a mellor opción é a do PP que “volverá situar ao concello como cabeceira da comarca de Bergantiños, deixará como parte do pasado os proxectos obsoletos e decadentes e volverá facer medrar un municipio fundamental na provincia e en Galicia”.

Prado lamentou que o BNG reivindique en Carballo o mesmo ao que logo vota en contra no Parlamento de Galicia: “Piden máis solo industrial pero votan en contra da Lei de áreas empresariais; piden máis médicos pero votan en contra da Lei que permitiu incrementar o número de especialistas en Atención Primaria; e piden melloras no saneamento e abastecemento pero votan en contra da Lei de mellora do ciclo integral da auga”.

Diego Calvo:”Carballo é do Partido Popular”

O presidente provincial Diego Calvo lembrou os excelentes resultados que colleita o PP noutros comicios: “Temos que saír a por todas. Carballo é do Partido Popular e temos a obriga de convencer a todos os que nos votan noutros comicios de que o proxecto de Rubén Lorenzo é o mellor para poñer fin a unha etapa nacionalista que xa está caduca”.

E animou a traballar en Carballo:“A partir de agora hai que formar un equipo, remar todos na mesma dirección, presentar propostas, manter o partido activo e vivo, escoitar aos veciños e estar na rúa”.

Rubén Lorenzo criticou a política do BNG carballés

Pola súa banda reivindicou que “Carballo volva ser o que nunca debeu de deixar de ser. Un lugar con futuro, ao que a xente quere vir, unha referencia industrial da comarca e un sitio onde os veciños teñen todas as súas necesidades cubertas”

Nesta liña, o candidato popular, que insistiu na necesidade de continuar traballando dura como ata agora, fixo fincapé en que o seu proxecto pretende acabar con ese mantra que “tingue calquera acción, e calquera inacción, calquera xustificación e calquera argumento: ese mantra de conmigo ou contra min que marca a maneira de facer política do BNG en Carballo”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
953SuscriptoresSuscribirte

Últimos artigos