A asociación de empresarios de Santa Comba celebrará a súa asemblea extraordinaria o venres 18 de novembro nas instalacións do restaurante Novo Salgueiro (primeira convocatoria ás 20,30 e segunda ás 21h).
Despois da renuncia do presidente Alberto Romar, que optará á alcaldía xalleira liderando a candidatura do PSOE, a entidade debe escoller novo presidente, un posto ocupado na actualidade en funcións por Pablo Pérez Escaríz.
Desde a directiva abriuse o prazo para a presentación de candidaturas.Tamén se procederá a cubrir, se é necesario, as posibles baixas nos vogais da xunta directiva e haberá unha quenda de rogos e preguntas.
IV Feira de Outono
A patronal xalleira tamén organiza a IV Feira de Outono que se celebrará o 11, 12 e 13 de novembro no recinto feiral, con diversos postos e actividades.
Horarios de apertura da Feira de Outono
Venres 11 de outubro- de 17 a 21h.
Sábado 12 de outubro- de 10 a 21h.
Domingo 13 de outubro- de 10 a 20,30h.
FOTO ASEMBLEA XERAL ABRIL 2022
