10.4 C
Santa Comba
martes, noviembre 29, 2022

A cista do Mato Mouro, un tesouro na contorna da Fervenza de Castriz

A “estrutura cistoide” do Mato Mouro é un dos tesouros que se agochan na contorna da Fervenza de Castriz, no concello de Santa Comba.

Conservada na tradición popular e agora catalogada e posta en valor grazas a persoas entusiastas como o arqueólogo Lino Gorgoso ou a ese dinámico equipo que conforman “O Son da Curuxa”, con Jorge Castelo e os seus compañeiros, esforzados en que o noso patrimonio non se converta nun abismo da memoria.

Foi un veciño, Alfredo Gómez, o que alumeou o camiño. O elemento presenta todas as características dunha cista aínda que é bastante anómala en comparación coa tipoloxía habitual deste tipo de monumento, facendo complicada a súa datación sen terlle feito unha intervención arqueolóxica. Por precaución podemos usar o termo de “estrutura cistoide” .

Está situada a uns 386 metros de altitude e a 400 metros ao leste deste noso punto de referencia (A área recreativa da Fervenza). Nesa zona hai varias mámoas, unhas catalogadas e outras desaparecidas.

Sería precisa unha escavación para poder concretar a magnitude este elemento e tamén a súa profundidade. Actualmente invadido pola vexetación.

“Unha das paredes está labrada na propia pedra, nun afloramento natural, outra podería estar chantada no sitio e a terceira é evidente que está cravada”, coméntanos Jorge Castelo.

O blogue Son da Curuxa está preparando unha ampla reportaxe sobre este suposto enterramento, que se poderá ler en breve.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
505SuscriptoresSuscribirte

Últimos artigos