O concello de Santa Comba e a asociación Vía Céltica organizan unha “Peregrinación desde Santa Comba pola Vía Céltica” e ata Santiago de Compostela.
Serán catro etapas.
A primeira entre Castriz (Santa Comba) e Paramos (Val do Dubra) que terá lugar o domingo 30 de outubro. Os participantes arrancarán as 9 da mañá.
Ao seguinte domingo (6 de novembro) a etapa partirá ás 8,30 da mañá de Vilar de Céltigos (Santa Comba) e o destino volverá a ser Paramos.
A terceira etapa sairá desta localidade dubresa e rematará en Belén. Será o 13 de novembro ás 9 da mañá. E a última conectará Belén con Santiago de Compostela.
Haberá servizo de buses para o regreso de cada xornada sendo obrigatorio o chaleco reflectante. As incricións poden formularse na web do concello de Santa Comba. Máis información na Oficina de Turismo municipal 663.728.968 .
