3.1 C
Santa Comba
viernes, diciembre 2, 2022

Alberto Romar dimite como presidente da asociación de empresarios de Santa Comba

Alberto Romar Landeira pechou unha etapa de dous anos como presidente da asociación de empresarios “penso que positiva para os socios”. Queda como presidente ata a asemblea, Pablo Pérez.

Romar asegura que nesa xuntanza que se celebrará o vindeiro mes “ falarei polo miúdo dos motivos que me levaron a tomar esta decisión, a cal foi consensuada con toda a directiva e coa miña familia”.

Máis socios, máis actividades, máis orzamento

De momento, fixo pública unha carta na que agradece o apoio da masa social e lembra a o aumento de socios da entidade, que pasou de 142 a 219 e tamén do número de actividades e do orzamento.

Tamén agradece o respaldo de entidades como a Deputación, o concello de Santa Comba, o GDR Terras de Compostela ou a Federación Galega de Comercio.

“Sigo no camiño da aprendizaxe e outros proxectos motivan este distanciamento, nunca asimilable ao esquencemento nin a desvinculación” manifesta Romar na súa carta na que apela a que a “unión e o esforzo son as nosas ferramentas para alcanzar o progreso de todos”.

O seu salto á política vense comentando desde fai meses; de feito no último pleno recibiu críticas desde o goberno local que sen citar o seu nome sí que facían referencia ao cargo que ata agora ostentou. E que agora deixa cunha bagaxe sen dúbida positiva e a fronte dun dinámico equipo directivo.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
507SuscriptoresSuscribirte

Últimos artigos