O Club Náutico de Camariñas anuncia a licitación da explotación das instalacións do bar da entidade. Poden presentarse ofertas desde o 19 de setembro e ata o 14 de outubro.
Segundo informan nun comunicado “o contrato será de 5 anos e con prórroga por outros 5 anos (10 anos en total) si non hai rescisión por ningunha das dúas partes ao finalizar o periodo dos primeiros 5 anos de contrato”.
As persoas físicas ou xurídicas interesadas en presentarse á licitación poden recoller a documentación nas oficinas do Club Náutico de Camariñas de luns a venres de 18,00 h. a 20,00 h.
Desde o Club Náutico comentan que “as instalacións están ubicadas nun entorno privilexiado, con amplio aparcamento e cun establecemento reformado fai uns anos onde se ubica o Bar Náutico e que conta con todo o necesario para iniciar a actividade”.
Lembran que cada ano visitan as instalacións náuticas “máis de 600 embarcacións ao longo do ano ademáis de contar con actividades náuticas todo ano a través da empresa Ubuntu”.
