Foto- Alfonso Rueda despois do Consello da Xunta
Nas vésperas da súa edición número 40 a Festa da Pataca de Coristanco recibiu un potente espaldarazo.
A declaración de Festa de Interese Turístico de Galicia por parte do Consello da Xunta na xuntanza deste xoves.
Desde o goberno galego fan referencia ao informe favorable do Consello Galego de Turismo “onde se valora a creatividade e a innovación na celebración do evento, onivel de dotación de infraestruturas e equipamentos para a celebración da festa e a recepción de visitantes, a afluencia de visitantes, a coordinación das entidades públicas e privadas involucradas na celebración e o adecuado coidado dos contornos urbanos, monumentais ou paisaxísticos onde se desenvolve”.
Precisamente esta fin de semana celébrase unha nova edición da Festa da Pataca cun completo cartel de actividades.
A Pataca, un produto de calidade
“Esta festividade ten a súa orixe na necesidade de dar a coñecer a calidade do produto gastronómico que atopa na terra de Coristanco un óptimo lugar para o seu cultivo, pola conxunción da climatoloxía húmida e temperada desta xunto coas condicións do seu solo. Foi unha das primeiras festas gastronómicas de Galicia e naceu nun momento de predominio do traballo agrícola e de cultura enraizada na vida rural” suliñan desde a Xunta de Galicia.
