Nais e pais do alumnado do IES Terra do Xallas presentarán unha “queixa formal” ante a Consellería de Educación polas deficiencias no servizo de transporte escolar que están percibindo no arranque do curso académico, por parte da empresa adxudicataria.
Tamén queren que sirva de aviso para que non se repitan situacións como as vividas este 9 de setembro:
“Empezamos a sufrir outro curso máis os problemas do transporte. Hoxe, nove de setembro, unha das súas liñas pasou polas paradas con corenta e cinco minutos de retraso. As familias tiveron que realizar o desprazamento do alumnado para evitar que chegara ao centro fóra do horario de inicio das clases. Unha segunda liña xa non fixo o servicio”.
Agora desde a ANPA do instituto xalleiro están recollendo datos das persoas afectadas para trasladar ao servizo de transportes da consellería.
Foto- José A. Suárez- Google Maps