10.7 C
Santa Comba
lunes, mayo 27, 2024

Muxía licita as primeiras actuacións do plan «Máis Rural»

O goberno local licita as primeiras intervencións do plan ‘Máis Rural’ por un valor de 263.000 euros

O goberno local do Concello de Muxía sacou a licitación as primeiras intervencións do plan ‘Máis Rural’ por un valor de 263.000 euros. Esta ambiciosa liña de traballo deseñada polo executivo, centrado na mellora de vías, estradas e núcleos rurais do municipio, comeza a ser unha realidade. A maioría das intervencións iniciarán a súa execución o longo deste mes de setembro.

Primeiras actuacións Máis Rural

Así, intervirase en núcleos como Vilastose, A Grixa ou Figueiras, con melloras da drenaxe; en Armear, os Muíños, Vilardeouteiro-Castro, Pasantes-Fumiñeo, Vilarvello e Morquintián coa adecuación das estradas e tamén en Buiturón coa mellora de pistas e camiños.

Desde o goberno local sinalan que “son obras especialmente importantes porque inflúen directamente na solución de problemáticas para a veciñanza, pois as obras de drenaxe dan solvencia ás inundacións, entre outras incidencias, en zonas residenciais pero tamén de explotacións gandeiras”.

Declaracións de Iago Toba

O alcalde, Iago Toba, destacou que “está demostrado que se nos deixan traballar, que si non obstaculizan as nosas intencións, se non existe bloqueo por parte da oposición, temos capacidade para que saian á luz obras fundamentais para o devir de Muxía”, incidindo na “realidade actual, que non é outra que un goberno conformado por tres persoas séntase a escoitar as necesidades reais da veciñanza, contra o bloqueo sistemático de todas as nosas accións por motivos políticos, o que deriva nun perxuízo consciente ás veciñas e veciños de Muxía”, conclúe o rexedor.

Nota concello de Muxía

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,240SuscriptoresSuscribirte

Últimos artigos