7.4 C
Santa Comba
jueves, diciembre 1, 2022

Asinado o irmandamento entre A Laracha e Les Sables D´Olonne

O Concello da Laracha xa está irmandado con Les Sables d’Olonne despois da sinatura do acordo no Centro de Congresos da localidade francesa polos dous alcaldes, José Manuel López Varela e Yannick Moreau.


O acto celebrouse na tarde de onte xoves, contándose coa presenza de representantes do Comité de Irmandamento francés -que está presidido por Martine Girardeau-, e a delegación larachesa ao completo, composta por representantes municipais, alumnos e profesora do departamento de francés do IES Agra de Leborís e membros da Asociación Cultural Queiroga de Paiosaco, cuxo grupo instrumental amenizou o evento coa súa actuación.

Asinado o irmandamento entre A Laracha e Les Sables D´Olonne


Cabe lembrar que este irmandamento é a actualización do asinado no verán de 2010 entre A Laracha e Olonne sur Mer. En 2019 fíxose efectiva a fusión, baixo a denominación Les Sables d’Olonne, dos tres antigos municipios franceses que formaban o País de Olonne: o propio Olonne sur Mer, Sables d’Olonne e Château-d’Olonne, que agora forman unha entidade única de máis de 45.000 habitantes. Esta circunstancia implicou a necesidade de constituír con carácter oficial o novo irmandamento, que agora xa é efectivo.


A data para a sinatura coincide coa celebración da Festa dos Irmandamentos que se está a realizar nestes días e no que participan os municipios de Murat (Francia), Worthing (Inglaterra), Schwabach (Alemaña) e Gourcy (Burkina Faso), tamén irmandados coa mesma localidade francesa que A Laracha. Na axenda de actos celebrados nestes días realizouse un desfile con representantes de cada concello. Tamén se procedeu ao descubrimento da placa coa que se bautizou co nome de A Laracha un paseo situado na propia vila de Les Sables d’Olonne.


O programa rematará o sábado coa saída da Golden Globe Race, a carreira en barco sen escala, sen electrónica e en solitario que partirá desde Les Sables d’Olonne. O Concello da Laracha participará como convidado e terá un posto no que se realizará unha exposición de produtos e imaxes tanto da Laracha como da Costa da Morte e de Galicia en xeral.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
505SuscriptoresSuscribirte

Últimos artigos