A concentración Parcelaria de Freixeiro afecta a 706 veciños.
O delegado da Xunta, Gonzalo Trenor, reuniuse coa alcaldesa de Santa Comba, María Pose, para analizar a proposta que afecta a 706 veciños, que se levará este mércores ao Comité Técnico Asesor que preside o propio Trenor.
Trenor explicou que nestes momentos está próximo ao seu remate o Estudio Previo de Iniciación para levalo á reunión para a súa aprobación.
Concentración parcelaria de Freixeiro: 1.677 hectáreas e 10.250 parcelas
O delegado da Xunta destacou que esta nova zona de concentración parcelaria, que se propón para Santa Comba, levarase a cabo en Freixeiro, sobre unha superficie de 1.677 hectáreas, afectará a 10.250 parcelas e a 706 propietarios.
Trenor sinalou que a través destes procesos conséguese paliar o minifundismo presente na comunidade galega, dende o punto de vista da estrutura da propiedade, polo que son unha ferramenta fundamental na reorganización do territorio
