Preto de 200 persoas asisten á xornada de portas abertas de Naturmaz, en Mazaricos
Proximamente botará a andar Air Fervenza, complexo de aloxamento de alto standing con temática aeronáutica.
O pasado 23 de xullo tivo lugar a xornada de portas abertas no complexto de Naturmaz, en Mazaricos. Un evento aberto a todo tipo de público para abraiarse coa maxia da aviación deportiva. Preto de 200 persoas pasaron polo evento ao longo do día, que contou con actuación musical e xantar.
Ademais, tiveron a ocasión de coñecer o complexo Air Fervenza, o primeiro complexo de aloxamento de alto standing de temática aeronáutica na península ibérica.
Ao evento acudiron polo aire, como non podía ser doutro xeito, e con aterraxe na pista de Naturmaz, a Escola de Pilotos Aeroflota del Noroeste, o Aeroclub de Santiago, o Aeroclub da Coruña, Aero Lemos, o Club de voo de Cambre, Pilotos cerval, e o Aeródromo de Caldas Campañó.
Aloxamento aeronáutico Air Fervenza
O complexo de aloxamento Air Fervenza é o primeiro de alto standing centrado en temática aeronáutica na península. Os hóspedes terán a sensación de visitar o hangar dun aeroporto. Está construído cos mellores materiais, conta con fermosas vistas ao encoro da fervenza e servizos como jacuzzi. Abrirá as súas portas nas vindeiras semanas.
