11.7 C
Santa Comba
miércoles, febrero 28, 2024

Piden a dimisión de Carballido ao ser admitida unha denuncia por presunta prevaricación administrativa

//Os concelleiros non adscritos piden a Valentín González Formoso que “aparte” a Carballido da alcaldía// Querela relacionada co parque éolico de Corme//

No Xulgado de Primeira Instancia e Instrución número 3 de Carballo vense de admitir a trámite unha querela contra o alcalde de Ponteceso, Xosé Lois García Carballido (PSOE) por un presunto delito de prevaricación administrativa en relación cun decreto no que se concedeu licencia a EDP Renovables “para desmantelar o parque eólico de Corme sen contar coas autorización sectoriais, previas e preceptivas”.


A parte denunciante ampliou a querella contra un funcionario, que actuou como secretario accidental nese tempo. A denuncia ten a súa orixe a finais do ano 2019.


“Non queremos corruptos o fronte do noso concello”


Os concelleiros non adscritos consideran que “é a hora de que o señor alcalde presente a súa dimisión”. En caso contrario emprazan ao secretario xeral dos socialistas, Valentín González Formoso ou ao secretario provincial, Bernardo Fernández que “aparten a este señor da alcaldía do concello de Ponteceso”.


Nun comunicado afirman:”Non queremos corruptos o fronte do noso concello. Non queremos funcionarios que se presenten e colaboren con corruptos”.


Convenios “arbitrarios”


Pregúntanse porque o alcalde, Lois García Carballido deu “tantas facilidades” porque “está a favor da empresa EDP e en contra dos veciños”. Tamén se preguntan “cal é o motivo de que se paguen produtividades de 2200 euros mensuais a funcionario e por que non entrega a documentación solciitada en pleno por escrito sobre os convenios firmados”.


Na ampliación da querella, sobre a que debe informar o Ministerio Fiscal tamén se denuncian “arbitrariedades” relacionadas con “diversos convenios suscritos” entre o concello de Ponteceso e a empresa EDP.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos