Festas de San Cristovo en Santa Comba o 30 e 31 de xullo.
Santa Comba celebra as festas na honra de San Cristovo o sábado 30 e o domingo 31 de xullo. Con motivo destas festas haberá unha concentración de coches clásicos o domingo.
O sábado pola noite actuará o grupo de acordeóns de Santa Comba(21,30h) e posteriormente haberá unha verbena coa orquestra Olympus e a discoteca móbil CDC.
A orquestra Olympus de Negreira chega coa seu “Red Tour” e cunha potente posta en escea. Un elenco de 17 persoas, con seis vocalistas, tres bailaríns e oito músicos.
Caras “coñecidas” na dianteira como a de María Kilate (que gravou recentemente Na Llama con DJ Rokiño) ou Alba Navarro.
Na parte masculina, Eulícer Aróstegui e Néstor Peña, que formaron parte de El Combo Dominicano, Diego Barbazán e José Manuel Martínez “Leo”.
Fuego e DJ Rokiño
O domigno 31 será un día cheo de actividades. Ás 11 terá lugar a recepción dos coches clásicos e despois unha misa no campo da feira(12,30h), con procesión motorizada(13,15h) e entrega de premios os vehículos mellor engalanados(14).
A sesión vermú (14,30h) terá como protagonista á orquestra Fuego que pola noite estará acompañada polo vimiancés DJ Rokiño e pola discoteca móbil CDC. Non faltará a tradicional sesión de fogos de artificio (24h).
A orquestra Fuego conta nas súas filas coa intérprete camariñana Yolanda Canosa e con Lidia Sueiro (Fania, Trovadores, Foliada), acompañada por Santana, Bruno Cores, Cristian Torres como vocalistas.
