foto-GES MUROS
Un helicóptero de Salvamento Marítimo trasladou a un barranquista ao Hospital Clínico de Santiago despois dun amplo operativo de rescate no que participaron bombeiros de Boiro, Santa Comba, voluntarios de Protección Civil de Mazaricos, Urxencias Médicas, Garda Civil e efectivos do GES de Muros.
Segundo informaron os Bombeiros de Santa Comba un barranquista sufría unha caída este mediodía cando reralizaba o descenso por un barranco en Santa Baia, entre Mazaricos e Outes.
O home fracturou unha perna e non era capaz de abandonar a zona nin coa axuda dos seus compañeiros. Os bombeiros colocaron ao ferido nunha padiola de rescate e porteáronno ata unha zona de vexetación onde un membro de Salvamento Marítimo puido subir á esta persoa ao helicóptero para ser evacuado ao hospital.
