A asociación Costa da Morte GDR aprobou os orzamentos para o ano 2022 que ascenden a 189.953 euros.
Tamén se aprobaron as contas do ano 2021. O excedente do exercicio ascende á cantidade de 3.201,30€; e o total de activo e pasivo recolle un importe de 81.069,49€.
Na asemblea ordinaria celebrada o pasado sábado en Baio(Zas) douse luz verde ao informe de xestión e informouse dos tres proxecto se promoción que se están levando a cabo: “Marca Terra Atlántica: Territorio – Produto – Calidade”, “Difusión de proxectos Leader e promoción do territorio 2022” e “Ecocomedores – Km Costa da Morte”.
Desde 2017 (comezo deste período Leader) aprobáronse 80 proxectos (58 Produtivos e Non produtivos e 22 de funcionamento, promoción e animación). A inversión acumulada ascende a 9.769.858 euros e a subvención acumulada a 3.935.588 euros. Os empregos comprometidos consolidados suman 158,80 UTAs e os empregos comprometidos creados 53,75 UTAs.Costa da Morte GDR está preparando a candidatura para o novo periodo 2023-2027.
Antes houbo unha asemblea extraordinaria para “facer unha pequena modificación dos Estatutos Sociais para adaptalos ao que Agader require nas Bases da medida Leader de Galicia para o período 2023-2027”.
