9.8 C
Santa Comba
sábado, marzo 23, 2024

A saída de vía dunha furgoneta en Zas deixou ao seu condutor nunha situación complexa

Informa- AXEGA 112

A saída de vía dunha furgoneta na AG-55, ao paso por Zas, mobiliza aos Bombeiros de Santa Comba para liberar ao condutor, que estaba nunha situación complexa.
Os efectivos de salvamento deberon inmobilizar primeiro o brazo do afectado para poder sacalo do vehículo cun taboleiro espinal.


Todo ocorreu á unha desta tarde, tal e como indicaron as persoas que chamaron ao 112 Galicia para solicitar asistencia urxente debido á situación na que se atopaba o ocupante da furgoneta, co brazo bastante danado. Así, activáronse os protocolos necesarios para organizar un operativo, que contou coa participación dos Bombeiros de Santa Comba.


A súa misión era sacar o ferido do vehículo co brazo inmobilizado a causa das importantes lesións que presentaba. Sen embargo, e malia a posición na quedou o vehículo, puideron extraer o ferido cun taboleiro espinal sen a necesidade de cortar os ferros da furgoneta.


No mesmo lugar do accidente estaba preparado un equipo de Urxencias Sanitarias de Galicia-061, que acudiu a bordo do helicóptero con base en Santiago. De feito, para facilitar as manobras de despegue da aeronave, deberon suspender a tirada de bombas de palenque con motivo das festas locais da zona. Para que así fose, desde o 112 Galicia, avisouse ás autoridades municipais.


Co fin de ofrecer apoio ao operativo, tamén se mobilizaron os voluntarios de Protección Civil da localidade, e contouse coa colaboración dos axentes da Garda Civil de Tráfico.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos