Éxito do xantar de Ponteconstante. Unha tradicional churrascada recuperada nesta área recreativa. Con case trescentas persoas que asistiron a cita.
Non faltou o secretario xeral do PSdeG, Valentín González Formoso, que expresou o apoio ao mandatario Iago Toba. Tamén o fixo o secretario provincial Bernardo Fernández Piñeiro.
Toba Campaña tamén recibiu o apoio dos veciños alí congregados e das alcaldesas de Vimianzo, Camariñas, e Cee e dos alcaldes de Ponteceso e Carnota.
Estaba ilusionado o alcalde polas resposta e polas palabras escoitadas. E comezou súa intervención cunha frase contundente: “roubáronnos a maioría absoluta pero non foron quen de quitarnos o cariño da xente”, en clara referencia á asistencia masiva de veciños, veciñas, amigos e amigas á histórica comida, recuperada pola actual dirección despois de moitas edicións sen celebrarse. “Un éxito rotundo que simboliza unha sinal de apoio a nós e á nosa xestión”, afirmou.
Menú en Ponteconstante
O menú tampouco fallou: empanada, churrasco, chorizo e pan, ademais de refrescos, viños, licores e café. Todo nunha contorna ideal e nun ambiente de ledicia.
